Kwankwaso ya soki Gwamnati kan matsalar tsaro

Kwankwaso Ya Soki Gwamnatin Tarayya Kan Karuwar Matsalar Tsaro a Najeriya Tsohon Gwamnan Jihar Kano kuma ɗan takarar mataimakin shugaban ƙasa a zaɓen 2023, Sanata Rabiu Musa Kwankwaso, ya nuna matuƙar damuwarsa kan yadda matsalar tsaro ke ƙara ta'azzara a faɗin Najeriya. Kwankwaso ya bayyana cewa hare-haren 'yan bindiga, garkuwa da mutane da ayyukan ta'addanci sun bazu daga jihohin Arewa kamar Zamfara, Borno, Sokoto da Katsina zuwa wasu jihohin Kudu da Tsakiya, ciki har da Oyo da Kwara. Ya kuma yi nuni da cewa duk da kashe sama da Naira tiriliyan 3 a fannin tsaro a shekarar 2026, har yanzu matsalar tsaro na ci gaba da ƙamari. Ya ambaci harin da aka kai a Jihar Oyo inda aka sace ɗalibai 39 da malamai 7, tare da rahoton cewa an kashe ɗaya daga cikin malaman. Kwankwaso ya buƙaci gwamnati ta ƙara ƙarfafa tattara bayanan sirri, inganta aikin 'yan sanda na al'umma (community policing), kula da jin daɗin jami'an tsaro, da kuma magance talauci domin rage yawan masu shiga ayyukan laifi. Sai dai yayin da magoya bayansa ke yabawa da wannan kira, wasu masu sukar sa na ganin kalaman na da alaƙa da shirye-shiryen siyasa gabanin zaɓen shekarar 2027. "Najeriya na zubar da jini. Daga Zamfara, Borno, Sokoto, Katsina da Kwara zuwa Oyo da sauran sassan ƙasa, al'ummarmu ba za su iya kwanciya cikin kwanciyar hankali ba," in ji Kwankwaso.